યોગ હજારો વર્ષોથી ચાલી આવતી એક પ્રાચીન પદ્ધતિ છે. જેની શરૂઆત ભારતમાં થઇ અને ધીરે-ધીરે આ યોગની વિવિધ પદ્ધતિઓ વિશ્વભરમાં પ્રચલિત થઇ. યોગ, દરેક વર્ગ અને ઉંમરના વ્યક્તિઓ માટે લોકપ્રિય કસરત અને અનેક રોગો સામે રાહત મેળવવાનું માધ્યમ બન્યું છે. મૂળરૂપે જોઈએ તો, યોગ એક શારીરિક અને માનસિક સ્વાસ્થ્ય માટેનો સર્વગ્રાહી અભિગમ છે. જે યોગ કરનારને સંતુલન અને સ્વાસ્થ્યમાં વધારો કરવામાં મદદ કરતી શ્વાસ લેવાની તકનીકો, ધ્યાન સહિત વિવિધ શારીરિક મુદ્રાઓ છે, જેને સંયુક્ત રીતે આસન તરીકે ઓળખવામાં આવે છે.