Gujarat State Yog Board

વિઝન, મિશન અને તત્વજ્ઞાન

વિઝન

જ્યાં યોગ, સૌના જીવનનો અભિન્ન હિસ્સો હોય, જ્યાં શારીરિક, માનસિક અને ભાવનાત્મક સુખાકારી માટે સૌ કોઈ નિરંતર યોગનો અભ્યાસ કરતા હોય તેવી સ્વસ્થ દુનિયાનું નિર્માણ કરવું. ગુજરાત રાજ્ય યોગ બોર્ડ યોગને શિક્ષણ અને આરોગ્યસંભાળ સહિતના વિવિધ ક્ષેત્રોમાં એકીકૃત રીતે સંકલિત કરવાનો પ્રયાસ કરે છે, જેનો ઉદ્દેશ્ય વ્યક્તિઓને તેમની આંતરિક સંભાવનાઓનું અન્વેષણ કરી શારીરિક અને માનસિક સ્વાસ્થ્ય વધારવાની પ્રેરણા આપવાનો છે.

મિશન

વ્યક્તિગત સહિત પરિવારોમાં અને ગુજરાતનાં અલગ-અલગ સમાજોમાં સ્વાસ્થ્યની સંપૂર્ણપણે જાળવણી થઈ શકે તે માટે યોગક્રિયાને પ્રોત્સાહન આપવું.

યોગનું જ્ઞાન અને પ્રશિક્ષણની તકો આપવી, જેથી પ્રશિક્ષણ મેળવનાર યોગના મૂલ્યો, તેના સિદ્ધાંતો, તેની ક્રિયા અને તત્તવજ્ઞાનને યોગ્યરીતે સમજી શકે.

યોગની પ્રાચીન પદ્ધતિમાં રસ ધરાવતી વ્યક્તિઓ અને સંસ્થાઓને જોડાવા માટે સહયોગ આપવો.

યોગની પદ્ધતિને પ્રોત્સાહન આપવું, જેમાં સમાજના દરેક વર્ગ અને ક્ષમતા ધરાવતા વ્યક્તિઓ સરળતાથી જોડાય શકે.

યોગ ક્ષેત્રે સંશોધન અને નવીનીકરણને પ્રોત્સાહન આપવું, જેથી તેના લાભ અને અસરની જાણકારી વધુ સારી રીતે સમજી શકાય.

ગુજરાતમાં સ્વાસ્થ્ય, શિક્ષણ સહિત અન્ય વિવિધ સંબંધિત ક્ષેત્રોમાં યોગનો સમાવેશ કરવાની નીતિઓનું સમર્થન કરવું.

વ્યક્તિગત રીતે સૌને યોગના માધ્યમથી પોતાના સ્વાસ્થ્યની સંભાળ લેવા સક્ષમ બનાવવા અને તેમના અનુભવ દ્વારા અન્યોને પ્રોત્સાહિત કરવા.

ગુજરાતમાં યોગક્રિયાને સરળતાથી અમલમાં મૂકી શકાય તેવું વાતાવરણ તૈયાર કરવું.

તત્વજ્ઞાન

એક એવા વિશ્વની કલ્પના કરો જ્યાં વસતા સૌ પોતાના આંતરિક અસ્તિત્વ સાથે એકાકાર હોય, સંતુલિત અને શાંતિમય જીવન વ્યતીત કરી રહ્યાં હોય. શારીરિક અને માનસિક સ્વાસ્થ્ય માટે સૌ એકસાથે યોગક્રિયા સાથે જોડાયેલા હોય. ગુજરાત રાજ્ય યોગ બોર્ડ તરીકે અમારો વિશ્વાસ છે કે યોગ જીવનમાં હકારાત્મક પરિવર્તન લાવવાનો સચોટ અને અસરકારક ઉપાય છે. અમારા માટે યોગ એ શારીરિક, માનસિક અને આધ્યાત્મિક પદ્ધતિઓનો સમન્વય કરી સ્વાસ્થ્યને લાભ આપતી એક સર્વગ્રાહી પદ્ધતિ છે. અમારી વિચારધારા છે કે યોગ દ્વારા સૌ કોઈ લાભ મેળવી શકે છે અને યોગમાં સૌને એકસાથે લાવવાની, સમાજમાં એકરૂપતા અને સકારાત્મક બદલાવ લાવવાની શક્તિ રહેલી છે.

ગુજરાત સહિત વિશ્વભરમાં યોગના અભ્યાસ, પ્રચાર અને પ્રસાર કરી સૌના સુધી યોગ પહોંચાડવાનો અમારો ધ્યેય છે.